Bisita gidatuak Est(r)ella-(L)izarra Interpretazio Zentrora

17/09/2020

Guztira 14 bisita aurreikusi dira, eta bisita bakoitzean gehienez ere hamar lagun izanen dira, Covid-19aren aurreko prebentzio neurri gisa. Irailaren 18, 19, 26 eta 27an eginen dira, larunbat goizez eta arratsaldez, eta igandeetan goizez bakarrik. Ikusleek gaztelaniaz edo euskaraz egitea aukera dezakete.

Bisitak doakoak dira eta Turismo Bulegoan eman behar da izena, eraikinaren beheko solairuan, auzo monumentalaren bihotzean. Bulegoarekin harremanetan jartzeko, deitu 848 420485 telefonora edo bidali mezu bat oit.estella@navarra.es helbidera.